المراثي بلسان اهل هذا العصر على الطريقة المعروفة بالنعي للشيخ محمد نصار العراقي رحمه الله تعالى الكون اظلم ايعج الخيل واغبر * أو شع ابلمعة الانصار وازهر احتوف هايجة أو ما تعرف الذل * اشلون الي يعرينه أو هاج مشبل تلوى دون عزها لوية الصل * ابزاغوره أو نفج علموت الاحمر كل لماع مدرع يشع للناس * وجهه والدرع والسيف والطاس متبسم امشرعب ناشر الراس * كفو بالموت دون احسين مستر اشچم حران من رمحه ايتطاير * تقول الموت من سيفه ايتگاطر ما والله گرب ليه أو تجاسر * عكوبسها أو ضل بالكون يذكر احلولك من لفت ذيچ المشاهير * احلول الموت وحلول المغاوير اظلم الكون بس لمع الغدادير * تشع ووجوهها بالكون تزهر لو صاح الحريب اورجوا الزان * ما والله ضل بالكون حران تغدى اگرومها شي شفت غزلان * ابمرتعها اسباع الزور تفتر گضو حق العليهم دون الخيام * اولا خلوا خوات احسين تنضام لما طاحوا تفايض منهم الهام * تهاووا مثل مهوى النجم من حر على الانصار يا گلبي تفطر تهاووا مثل مهوى النجم من خر

هذا الرمح بفاوده تثنه * أو هذا بيه للنشاب رنه أو هذا الخيل صدره رضرضنه * أو هذا أو ذاك بالهندي اموذر هووا ما بين من گطعوا وريده * وقع راسه أو بين اطارت ايده أو بين امشبح ابرميه شديده * أو بين اصار للنشاب مكور أو يلي الروس شالوها على الزان * أو لعبت خيلهم علجثث ميدان نجوم اتموج من دمها ابغدران * نوب تطفح أو نوب تغور ركب غوجه أو تعن احسين ليها * لگاها بس جثث ومسلبيها صب الدمع وتلهف عليها * أو گال احتسب عند الله واصبر وي احسين ما ضل بلمخيم * غير اولاد اخوه وولاد مسلم وولاده وخوته أو لدة العم * وغير اولاد عبد الله بن جعفر اويلي من الانصار الخيم تصفر بس اولاد هاشم نجم تزهر الكل شبان ما منها لبخنده * اختط الشعر لا والله أو جده أو بين ادرك ابلوغ أو بين بعده * أو بين البلمهد يلعوا ويفغر يويلي منتلا گوا عند الوداع * دروا ما ms01 بعد ملگى غير هساع غدا ماي الدمع ينچال بالصاع * أو ثگلى اگلوبها من العطش والحر هذا يشبك ابهذا أو يحبه * أو هذا ابگلب هذا يحط گلبه

أو هذا دمعه الهذا يصبه * أو هذا يشم خد هذا أو يصفر أو يلي غدت للشبان حنه * غدا هذا الهذا يجرونه أو كل واحد لعد موته تمنه * ولا يبقى الهذا اليوم الا گشر سبق للحرب عبد الله بن مسلم * امنتب من ابوه النفل والام شباب بن اهد عش مزراق من سم * تلوه أو نفج يقطر موت احمر ابن مسلم لعند الحرب شمر شباب أو لا يخاف الموت مشهر اسم الله اعليه فرع بالذوايب * گمر لاچن ابليل الشعر غايب حاط الخيل ودعاها جنايت * أو خلاها امروج تموج بالبر يشع بسام والميدان مسود * أو رجف زانته والموت يرعد تنخه أو گال ولكم چي الهلحد * لراويكم اليوم الموت الاحمر ابن هاشم أو شبل الليث معلوم * جربت والزمط ينعرف هليوم طفحها أو ذبها على الصمصوم * أو رد النبع بالهندي امكسر حر يخطف الزانات وتذيه * أو من ينصب الچفة الموت يلويه يجر سيفه والمگدر يشع بيه * أو خاف الموت من عنده أو كشر اجاه السهم بس تسمع رعيده * امنيشن قصته ابرميه شديده شگف عن الوجه ويلاه بيده * سمرها القصته أو خلاه يفغر

يا گلبي لبن مسلم تفطر شباب أو مثل روح الطير منخر عجز ويلاه عن تحريك چفه * ايس من حياته أو گرب حتفه نفض ويلي عدوه اعليه شلفه * تكور مثل روح الطير من خر عزيز الروح بالتربان ممدود * أو دم السهم يجري فوق الخدود گمر لاچن ابدم اشرق أو بچيود * يوسفه عليه بالرملة امعفر شابچ تحت عج الخيل عينه * ما ينشاف بس تسمع ونينه يريد احد يغمضله اعيونه * ايس واغرفت روحه امن الحر اشبيب والهنادي وزعنه * وابدم الشهادة غسلنه ابعج الخيل ويلي چفننه * أو دفننه ابشعاع الشمس والحر نزلوا بعد ابن مسلم الشبان * تنخوا واسفروا لمطالق الزان حاسوا خيلها وشلوا الميدان * لما خروا تقول انجوم وتخر على الشبان ms02 يا گلبي تفطر تهاووا مثل مهوى النجم من خر بعدهم طلع طفل امن الصواوين * امطوق والتراچي اعلى الخدين يدير العين يسره أو نوب ايمين * طفل مدهوش يتلفت امذعر ابچبده من لهيب العطش بورح * تراچيه على خده تطوطح

عليه السهم يا ويلي تلولح * ابو ريدة وقع لا جدم أو وخر ظلت شهربانه بس تولول * على التربان يا ويلي المدلل طوگه بفيض اوريده امبلل * فوق الرمل تحت الشمس والحر غدوا وسفه بني هاشم مطاعين * جميع أو موحشه منها الصواوين ولا ناصر بگى منهم وي احسين * بس عباس والجاسم والاكبر ابو فاضل تلولح فوق الاشگر ليث هاج من شيبه امعير نزل عباس يتمرضع بلحسين * يحب ايده أو جدم رجليه والعين تسايل بالمدامع على الخدين * لما حن أو بچكي احسين أو تحسر صاح احسين يا خويه يعباس * ينور العين يا تاجي على الراس يخوي انت الدرع والسيف والطاس * اشلون اتروح وانا ابگى امحير يخوي احسين يا زهرة آياتي * يخوي نحلت سكنه اعظامي دخليني اريد الحق عمامي * اريد الثار قلبي دم يفور يگله اوداعة الله يا عيوني * نيتكم أو حيدي تخلوني ركب وارزم وگلهم تعرفوني * طليعة حيدر الليث المشكر تشعشع بالحرب عنده الحرب عيد * سم ابصاجعه أو طاحت امن رعيد يسحب السيف مبسم والنبل غيد * تتماوع أو عج الخيل عنبر

عروس الحرب والعباس عريس * ايبتختر بين زفافه ملا بيس نكس وارعب اگلوب المداليس * أو طفحها كفوا نعمين واكثر شمر فوگها أو خلا المداريع * ما تعرف رسنها امن المصاريع تهاوت واخلست بين المشاليع * تخف ارواحها من الموت الاحمر گلب يمنى الحرب من فوق يسراه * أو يسرى الحرب ذبها فوق يمناه لوى الجنحين فوق الگلب ولواه * عليهن والعزيز الروح من فر حرب عباس من صحه أو يعرفه * بيده السيف والبيرغ ابچفه أو بيده الصرع والگربه ابچتفه * مترهي تلولح على العسكر يحاچي النفس يا نفسي تهونين * كل الناس تغدى فدوة احسين الف وسفه يا خوي مالك امعين * تضل بعدي يبوسكنه امحير ابو فاضل ولى الشاطي أو حدر أو ms03 چبده من لهيب العطش فطر خالص الماي بس هيس اببرده * ترس چفه يروي عطش چبده تذكر لن اخوه احسين بعده * ذب الماي من چفه أو تحسر هذا الماي يجري بطون حيات * وضو گه گبل حدا حسين هيهات اظن طفله يويلي امن العطش مات * وظن موتي گرب والعمر گصر اشلون اشرب وخوي احسين عطشان * وسكنه والحرم واطفال رضعان

وظن گلب العليل التهب نيران * يريت الماي بعده لا حلا اومر همته بس يوصل الماي لحسين * لا گا من اولا گمدن الچفين همه اطفال موتى بالصواوين * عطاشا اگلوبهم تلهب من الحر طاح ايمين ابو فاضل والايسر خطف جوده ابحلگه أو للخيم فر اجاه السهم للگربه أو فراها * وگف يبچي أو سكنه ما نساها مواعد على اميه لحشاها * أو منها يستحي للخيم يسدر سمع حسين حسه ركب وارزم * غار على الخيم طلعها من الخيم رديمه أو شافه سابح ابدم * تخو صر فوق راسه والدمع خر حط راسه ابحضنه بگلب مرتاع * شاله أو تربه عباس بالگاع رد احسين راسه ابگلب مرتاع * شاله اردود للتربان والحر يخوي العلم گلي وين اوديه * ينور العين دربي بيش اجديه حنا فوگه أو شمه اوشبچ ايديه * أو صاح احسين اخوي الله واكبر يخوي انكسر ظهري اولا اگدرا گوم * صرت مركز يخوي الكل الهموم يخوي استوحدوني عگبلك الگوم * اولا واحد عليه بعد ينغر يخوي امنين اجتني هالرميه * يخوي اساوگع بيتي عليه يخوي اساعدوي شمت بيه * وشوفنك يبو فاضل امطبر

راد احسين شيله للصواوين * انتبه عباس لحسين أو زرق عين يگله اشرادتك ياخوي يحسين * يگله اريد اشيلنك وسدر يخوي احسين خليني ابمچاني * يگله ليش يا زهرة زماني يگله واعدت سكنة تراني * ابماي واستحي منها امن اسدر يخوي اشلون اشوفنها ابيا عين * لو جتني أو گالتلي الوعدوين دخليني اموت اهنا يحسين * يخوي المستحا من شيمة الحر گام احسين يبچي للصواوين * ينشف دمعته عن النساوين خاف لنهن يفگدن على احسين * أو يگلن له عليمن هالدمع خر أو يلي تلقته تبچي اسكينه * تگله عمي العباس ms04 وينه شرب ماي أو نسانا ما نسنه * العطش واقلوبنا تلهب امن الحر خرت دمعة احسين أو تنحب * أو قاللها أو نار القلب تلهب ابشاطي العلگمي عمچ امترب * گضي فرت تصيح الله واكبر شل اطرادها ابن احسين الاكبر أو خلى الخيل بالهامات تعثر امصيت هلهلت له الخيل لولاح * عليها أو صفگت له اطراف الا رماح اورگصت له السيوف ابروس الاقراح * أو فوق الطوس دگت ضرب الاگشر من هاشم امنتب موش ملفوف * ابوه احسين بالميدان موصوف

أو جده حيدر الكرار معروف * أو عمه الحسن والعباس الازهر اهتز ابغيرة الله وافرع الراس * تبارك بالوجه والدرع والطاس أو سيفه الشعشعاني المرهب الناس * أو بالخيل الطلايع ضيق البر اشچم حران من غدارته نس * مهو ابن احسين ضرب السيف اله أو بس ابرمحه چم عجيد اصياح لبس * أو خلاها ابجماجمها تعثر تموج الخيل من يفتر عليها * چن الخيل عزراييل بيها ذب هذا ورا أو هذا لديها * مساميها ورمحه يلحق الفر شباب ولا يهاب الموت طفاح * بسرج عالي طويل الظهر نفاح ارضى السيف واطاشرحا الا رماح * اورد ايلوج بلسانه أو يفغر مض العطش بابن احسين الاكبر أو رد ايلوج بلسانه أو يفغر يصيح ابصوت فت گلبي أو شعبني * يبوي گوم ليه العطش ضرني يبوي درعي أو طاسي بهضني * يبوي أو نشفت ارياگي من الحر يبوي شربة اميه لچبدي * ايتگوى ورد للميدان وحدي يبوي فطر گلبي وحق جدي * العطش والشمس والميدان والحر يگله امنين اجيب الماي يا ابني * مهو حچيك بهض حيلي أو شعبني اوفت روحي أو حمس چبدي أو لسلبني * يبوي استخلف الله العمر واصبر

يگله والدمع بجري من امن العين * يبعدي أو بعد كل الناس يحسين تقلي اصبر أو قلبي صار نصين * اشلون اصبريبوي والصبر مر حن احسين ويلي أو سال دمعه * حنا ظهره على ابنه أو كسر ضلعه دار ايده على اطواگه يودعه * يشمه والعيون تسيسل محمر تسايل يا دمع لو داع الاكبر يگلبي ذوب لو داعه أو تفطر يويلي من تلاگوا عند الوداع * امشابك ms05 طول لمن هووا للقاع لاع ابن لبيه والابولاع * على ابنيه يويلي اوداع الاگشر يشم احسين خد ابنه أو يحبه * أو دمعه مثل دمع ابنه يصبه والنار البگلب ابنه ابگلبه * يخفيها على ابنه أو نوب تظهر يگله والدمع بالعين دفاق * ابعبره امكسره وبقلب خفاق يبويه اوداعة الله هذا الفراق * يبويه اشبيدنه هذا المقدر يبويه للسيوف اسدر أو للزان * أو لوح ابغاربه وشلش الميدان يبويه اليوم مروحك للجنان * أو بالكوثر يبوي اليوم تفطر تحسر ويل گلبي اجذب ونه * أو من الماي آه انگطع ظنه عرف لن المنية دنت منه * خر دمعه أو للميدان سدر شبل احسين للميدان سدر

اوخلى الخيل بالهامات تعثر سدر والكون شابچ زان واسيوف * نشاب أو نبل واسهام واحتوف ما والله رجف گلبه امن الخوف * ولا وجهه من اشراگه تغير رد اسيوفها والنبل والزان * حطيبه والگروم اوجوه نسوان شبل طاوي أو نفچ من شيب غيلان * أو شاف الغنم بالمران تشتر هز غدارته أو ذب العمامة * نشر راسه اسم الله على النشامة خز اگلوبها أو شرق الهامه * أو لف راياتها والسرب نشر روط زانته والموت بيها * أو صاح ارگابها أو حوم عليها يا مبعد اهاليها عليها * وين اتفر أو طير الموت يبحر عگب ما شرق الهامات والطاس * اجته ضربة العبدي على الراس ذبل وتواردوا بسيوفها الناس * شبك علمهر ويلي والمهر فر على ابن احسين يا گلبي تفطر شبك علمهر ويلي والمهر فر شبك علمهر لباله يوديه * لبوه احسين عن القوم يحميه اويلي المهر للعدوان فربيه * ووچب آه بموسط العسكر داروا بالسيوف عليه والزان * مثل چتال سبع المات فرحان عنى ابعيد البلا وليته العدوان * ارذال أو بالمعايب دوم تفخر

هذا يگطع ابسيفه وريده * أو هذا بالخناجر فضل ايده أو هذا يغط من رمحه الحديده * انجاصرته وهو يعالج أو يفغر ثگل بيه الطبر وتلوج روحه * اومحد عرف غير الله اجروحه دماياته على احصانه سفوحه * لما خر ابهناديها اموذر نده يحسين هذا الساع جدى * سگاني الماي واروى عطش چبدي يگول اسرع تراك اليوم ms06 عندي * اجاه ايصبح يا بني الله واكبر ويلي احسين صاح الله واكبر يبوي ليش هلنومه ابها الحر گعد عنده أو شافه امغمض العين * ابدمه سابح امترب الخدين متواصل طبر والراس نصن * حنا ظهره على ابنيه أو تحسر يبويه گول منهو الشرق راسك * ينور العين من خمد انفاسك يعگلي من نهب درعك أو طاسك * يروحي اشلون اشوفنك امطبر يبوي من عدل راسك أو رجليك * أو من غمض اعيونك واسبل ايديك ينور العين كل سيف وصل لبك * گطع گلي أو لعند احشاي سدر يبويه من سمع يمك ونيك * أو من شبحت عند الموت عينك للعشرين ما وصلن سننك * أو حاتفني عليك الدهر الاگشر اريدا مسح اجروحك وشم خدك * وحط صدري على صدرك ووسدك

يبوي شوف لا جن حرم جدك * وحت زينب تصيح الله واكبر اجت زينب تصيح الله واكبر يعمه ليش ها النومه ابها الحر هوت فوگه تشم خده أو تحبه * أو تطبق طبرة الراس أو تعصبه أو تسفر زيج ثوبه تجس گلبه * لگت دمه من افواده يفور يويلي ولولت واحنت ظهرها * تخمش اخدودها اوتحلج شعرها أو تدق ابراسها وتلطم صدرها * أو تنعى ابصوت طرگلب الصخر طر يشمس الگيض يليلهب وهجها * يبدر التم يلمطفي سرجها يسم الخيل يلمچثر مرجها * اشلون امن السرج تنشلع وتخر ينجم اسهيل يلحامي الشرايع * يا جرناس يمعذب البراجع يشبل الموت يمسدر الگلابع * اشلون امسيت للنشاب مكور ردها احسين للصبوان بالهم * أو شاف الخيل دارت علمخيم اولن ابن الحسن جسام مرزم * يصبح ابصوت عالي الله واكبر طلع جسام يصيح الله واكبر درخصني يعمي ما اگدر اصبر بس شافه شبق فوگه أو تباچوا * اختنگوا بالبواچي أو ماتحاچوا لمن غابت الروح أو تتاچوا * على التربان ويلي والوگت حر

لما ابدت الروح ابعمه اوبيه * طلب جسام رخصه أو ما يخليه وقع ويلي يحب ايده ورجله * درخصني يعمي ما اگدر اصبر يگله ابگي لبن عمك تباريه * عليل أو ما بقي غير النفس بيه يعمي اخلافنا بلچن تسليه * وظن هيهات يتسلى ويستر تقلي اسدر ms07 يعمي للصواوين * امنقلك رادليها چذب يحسين ارد عنك دعلمني ابيا عين * اشوفنك على الرمضا امطبر يقله يا قمر بيتي يشعاع * يعمي اوداعة الله هذا الوداع ركب وارزم وذبها موش مرتاع * شهاب أو يحرج الطاغي من يخر عرض للحرب جسام واشهر شهاب أو يحرج الطاغي من يخر جر السيف والزانه نكثها * أو طفح على الملزمومه أو فرثها جثث بالروس والروس ابجثثها * اسم الله عليه خلاها تمثر تبردق فوق مهره وقال يومي * أو قال لزانته على الخيل حومي رفها وگال للرايات گومى * عن دربي وصيري اتياه بالبر يخزعين الطليع وگال ثجل * ابظلمه والمذهب واج مشعل من يلمح شعاع السيف يثول * حمام أو من يشوف الطير يصجر من يدنى أو عزرايين بيده * غيث وبصواعجها رعيده

گانوص أو تلولح على الصيده * ابظهر اشكر شمر قوشه امسفر انگص اشراك نعله اوقام يلويه * ولزدي بوك اجا والسيف مخبيه ضرب راسه أو جاسم مادري بيه * خر أو صاح يا عمي المشكر علي ابن الحسن يا قلبي تفطر خر أو صاح يا عمي المشكر بس ما سمع حسه شر عبت بيه * چتل چتال جسام أو سدر ليه لقاه ايعالج أو يبحث ابرجليه * يلوج ابروحه أو دمه يفور بچاه أو ناداه يا جاسم اشبيدي * يريت السيف گبلك حز وريدي هان الكم تخلوني وحيدى * على اخيمي يعمي الخيل تفتر يعمي اشقالت من الطبر روحك * يجاسم ما تراويني اجروحك لوان ابقى يعمي چنت انوحك * ابقلب مثل الغضا وابد مع محمر حط احسين صدره ابصدر جسام * شبك فوگه أو شاله يم الخيام صدره ابصدر عمه أو خط بالجدام * بالتربان واحسين ايتعثر جابه أو مدده ما بين اخوته * بچا عدهم يويلي وهم موته بس ما سمعن النسوان صوته * اجت سكنه تصيح الله واكبر اجت سكنه تصيح الله واكبر يحاسم ليش هالنومه ابها الحر

عسى ابعيد البلا خدك على القاع * يجاسم موش وگت الموت هساع جاسم يا ابن عمي لو ان تنباع * ابماي العين چنت اشريك ياحر عساهي ابرقبتك كل الخطيه * تخليني غريبه واجنبيه ms08 يا جسام عرس اقشر عليه * عريس أو يزفونك امطبر امبارك بين سبعين الف جابوك * ابدال الشمع بالنشاب زفوك عن الحنه ابدم الراس حنوك * على راسك ملبس نبل ينثر يجاسم ريت هالطبرات بيه * يجاسم قوم ريت الموت ليه صدق رايح يجاسم هاي هيه * تخليني اون الليل واسهر اجت زينب أو دمع العين غدران * أو صدت للخيم نادت النسوان قومن جاي نلطم على الشبان * تهاووا مثل مهوى النجم من خر على الشبان يا قلبي تفطر تهاووا مثل مهوى النجم من خر فرن واحده تندب ولدها * أو وحده تندب اخوتها اوسعدها أو وحده للولي اتهمش انجدها * أو وحده اتصيح يا عمي المشكر يا شبان ينجوم المخيم * يبدور اشرقت ويلي اببحردم بالله يا هوى الغربي تنسم * بلچي اتفوخ عنهم جمرة الحر تذعذع يا عذيبي على الشبان * بالرسريس لا تنقل التربان

تراهي اتبب من النشاب والزان * لا تعصف تهز الزان وتضر غديتوا طبق يا شبان واحسين * ظل أو حيد بس ايدير بالعين لمن شاف روحه ماله امعين * أو شاف الخيل على الصيوان تفتر لگف صلب العرج ملس الحديده * روطها أو غداها اعجود بيده خاض الموت چن الموت عيده * عبوس أو من يشوف الحرب يستر ليش الموت الاحمر راغ واصفر اثاري احسين بالميدان يفتر حليف السيف والبيرغ وليفه * حلولك فوق راسه بس رفيفه اشچم حران مدرع بس رجيفه * تسمعه والحرب بالسيف محتر من يگحم على الليث ابعرينه * يجر يسراه والسيف ابيمينه من يرگا على امتونه أو يهينه * يعيش أو بين اذان الموت يصفر دق بالگاع رجله أو غدت ظلمه * تموج أو يجف بيها فوق عزمه امروس ينضح الكترين سمه * تچف الناس كلها منه الشر اويلي من وقف دون الخواتين * ينادي من يجاهد دون الحسين طلع زين العباد امن الصواوين * يگوم ابشيمته أو بالمرض يعثر اويلي على العليل اطلع مصفر عليل أو مثل صل الرمل مصفر (2)

يصبح ابصوت تجري بيه كل عين * يعمه اسلاح اجاهد دون الحسين يعمه بعد ابوي وجوهنا وين * وام چلثوم من بعده تعثر ms09 اهنا يا ابني تكله دسدر اردود * ترى كلبي يعمه خزن اچبود اشوفك يا ابن اخويه أو لوعتي تزود * أو نار احسين بين احشاي تسعر صاح احسين يا ام چلثوم وديه * يخوي ابني شعب گلبي درديه مهو روحي ابهذا السيف لا فديه * أو نور العين ولفرگاه ما اگدر يبوي انت الولي للناس بعدي * يبوي انت البيدك حكم جدي يبوي الشوفتك فتتت چبدي * سدر ودموعه ابعينه تغرغر رده احسين للخيمه أو عينه * تسح ادموعها أو ينده اسكينه يبوي ابن ابوچ الطفل وينه * اودعه أو عبرته ابصدره تكسر طفل احسين ظامي والوگت حر اويلي امن العطش چبده تفطر تگله الطفل راح اللون عنه * يبويه ما بگت بالطفل ونه جف دمعه أو جف اللبن عنه * أو ظل يلوج بلسانه أو يفغر يبويه ما ابعيني دمع واسجيه * لو يرضى الموت بيه الساع لفديه يبوي شوف چي ساوى العطش بيه * يبويه امن العطش چبدي تفطر گامت شالته اوجت الوليها * فك اعوينته يبحر عليها

تخيل جايبه ميه بديها * شاله احسين ودموعه تنثر گامت تستدير اعيون طفله * شبح عين لبوه اوعين لهله آيس شاف ميه ما حصله * رد غمض اعويناته أو سكر شمه اوجبه ابصدره أو خده * أو چبد احسين يابس مثل چبده يبويه ما بعد للعيش رده * اهو ايحاچيه اولن سهم المقدر طاخ الطفل للگاع أو تعفر أو دمه مثل ماي العين فجر تلگى احسين دم الطفل بيده * اشحال اليچتل ابحضنه وليده سال أو ترس چفه من وريده * اوذبه للسما أو للقاع ما خر اويلي من لفت سكنه تنادي * يبويه العطش ها الفت افوادي صدت لن اخوها الطفل غادي * يلولح رگبته أو دمه يفور يبويه ذاب چبدي أو چبدة امه * دخليني أو دعنه وشمه يبويه ليش ما تسجيه دمه * بلچن چبدته تبرد امن الحر يخويه عون من حبك أو شمك * يخويه عون من راواك لمك لغسلنك يخويه ابفيض دمك * أو گبرك بالگلب يا خوي لحفر گام احسين يمشي يم الانصار * وقف يمهم أو چبده امن العطش نار ms10 نده عباس خويه والدمع فار * يخويه گوم لينه الساع واحضر

ابو فاضل دگوم اساع واحضر أو شوف الخيل عالصيوان تفتر يخويه ليش هالنومه الطويله * يخويه الطفل عگبت طال ليله يخوي ما چنت تسمع عويله * يلوج امن العطش لمن گضى اوخر يخويه آيست سكنه امن الماي * تجي يمي ذليله أو توگف احذاي يخويه من العطش رادت تجي وياي * أو تگلك وين وعدك يا مشكر يخويه مادرت لنك رميه * وهي ابر جواك تسجيها اميه يخويه امنين اجت ليك المنيه * أو تگضي بالعطش والسيف والحر يخويه ليش هالساعه عفتني * غبت عني يخويه أو ضيعتني مهو افراگك شعب گلبي أو فتني * أو نارك بالقلب يا خوي تسعر رد واعياله امن العطش يومن * أو صاح ابصوت للتوديع گومن مثل سرب الگطا گامن يحومن * تطيح اعليه وحدتهن أو تعثر على اوداع الحسين الگلب محتر يگلبي ذوب لوداعه أو تفطر اجت زينب أو باجي الحرم يمه * أو صارت للوداع اعليه حنه يشم سكنه وهي گامت تشمه * يحبها والدمع ليلو ايتنثر يبوي ايطول من بعدي ونينچ * أو مثل النيب چن اسمع حنينچ

يبوي لا تشوفيني ابعينچ * اخافن ينخطف لونچ أو يصفر صد الباجي اعياله ابعينه * بچن عنده اونادن ياولينه عسن للغاضرية لا لفينه * اولا بينا يوالينه تحير اجت زينب يوصيها بلعيال * يوصيها ابعليله أو كل الاطفال شاف الدمع فوق خدودها سال * تگله على افراگك ما اگدر اصبر گام ايهون افراگه عليها * أو بين بعد عين الله وليها عگب ما جاب كل الصبر ليها * ركب غوجه أو للميدان سدر ليش الموت الاحمر راغ واصفر اثاري احسين للميدان سدر سدر واعلن ابحد السيف ناره * أو لعنان السما ثور شراره خلى الليث ما يندل فراره * يفر ويجيه موت امنين ما فر تفر اگرومها أو يحطم عليها * يحوم ابها أو يحوم الموت بيها چم حران ذبه عند اديها * أو خلى الخيل بالهامات تعثر فل اجموعها اولف الروايا * ابسيف رضع من ثدي المنايا شق الزلم والخيل السبايا * حدسها اوذب الازرق فوق الاحمر صك ms11 الخيل وادعى الخيل طشار * ابسيف للدرع والطوس فزار رو العود سوى الصار ما صار * أو چبده امن العطش ويلي تفطر

دار العسكر على احسين يا حيف * ناس بالرماح أو ناس بالسيف يشبه دورها على الليث المخيف * بياض العين بصبيها ايتدور دار العسكر على احسين وافتر أو صار اشبيح للنشاب مكور تلگى انبالها احسين بوريدة * نوب بالضلوع أو نوب بيده تلايم غيمها واثجل رعيده * أو بالزانات فوق احسين يمطر ثگل ما يندرى ابنشابها امنين * يجيه وزانها يخطف على احسين سهم بيده أو سهم بحاجب العين * يويلي واغرفت روحه امن الحر صار اشبيح بيه امن المنيه * الف نبله يويلي أو تسع ميه وگف تبة نبل بالغاضرية * اوزور ارماح شابچ عيب ينطر اوچب يستريح احسين ساعه * ضعف حيله أو ثگل بالسيف باعه رن الحجر من وجهه ابشعاعه * أو دمه مثل ماي العين فجر شال احسين ثوبه يمسح الدم * اولن سهم المحدد ناجع ابسم ابقلبه وقع لا وخر أو جدم * هوى واظلم هواها والسما احمر ليش اظلم هواها والسما احمر اثاري احسين من فوق المهر خر يا ارضنا اليوم ميدي اويا سمامور * أو بعد احسين يا ماي البحر غور

يا گلبي دذوب أو يا دمع فور * أو يا چبدي على افراگه تفطر هوى والمهر قام ايحوم دونه * يحامي عن وليه من يجونه خاف الگوم لنهم يا خذونه * أو يركبه غير خياله المشكر عگب ما آيس الطماع منه * رد روعه اوراح الخوف عنه صهل واعول اوحن أو جذب ونه * سحب صرعه أو لعند احسين سدر اجنح فوق راعيه أو شمه * أو صار اظلال دون الشمس يمه مرغ وجهه أو ناصيته ابدمه * أو نادى بالظليمه أو للخيم فر بچت سكنه أو نادت بالمذله يعمه المهر حط بالگلب عله طلعت صارخه زينب تگله * يمهر احسين وين احسينا خر يمهر احسين وين احسينا خر مالك روعت گلبي يمكدر يمهر احسين وين احسين گلي * اشوفك جيتني تصهل ابذلي خلاف احسين گلي وين اولي * أو مالك روعت گلبي يمكدر يمهر ms12 احسين گلي عن وليي * بعد فيه يخايب بيش افيي چم اصواب گلي ابگلب اخيي * أو من يا جرح دمه ايفور اكثر اهنا گلي يصير اعلاج لحسين * افت گلبي وذر جرح الگلب زين ونگط فوق جرحه ابدمعة العين * بلچي اصواب اخويه احسين يخدر

گام ايهمش اصفاحه ابسنه * يدق بالگاع رجله أو يجرونه وباب الخيم رجليه ثنه * دق راسه أو سالت دمعته اوخر فرن يمه ايجلبن اجروحه * ابگلب خافج أو عبره سفوحه لگنه ايلوج ويعالج ابروحه * يون وصواب گلبه دم يفور اجت زينب تصحيح الله واكبر يخوي ليش هالنومه ابها الحر بچت زينب أو نادت يا وليي * ينور العين يا عگلي أو خيي يخوي الصبر من بعدك امعيي * علي أو نار فگدك دوم تسعر يخوي من ضرب راسك ابسيفه * طعن گلبك ابرمحه وخذ حيفه أو ما خلا ابروحك بس طريفه * خفيه أو شافها الموت المكدر يخوي من سمعت المهر يصهل * تخيلتك ابجود الماي مجبل اصد لن المهر محرب أو معول * جالب عدته والسرج يصفر على امصابك لحرم لذة العيش * بعد فگدت يخوي احسين ما عيش يخوي اصواب كلمن مات بالريش * أو جرحك بالقلب يحسين يسعر على امصابك لجيمن دوم نوحي * يعيني بالدموع اليوم طيحي امصابك يا عيوني شعب روحي * لونه بالصخر ذاب أو تفسر تصيح ابصوتها يحسين وينك * يخوي جاوب أو صدلي ابعينك

يخويه ذاب گلبي من ونينك * يخويه موش گلبي صخر مرمر فك عينه اوزرگها أو شبح ليها * اوحن أو خرت ادموعه عليها لما صدت لعد دمعة وليها * ليلو فوق جرحه يجلب احمر فك احسين عينه والدمع خر ليلو فوق جرحه يجلب احمر ناداها ابضعيف الصوت يختي * مهو حچيچ شعب گلبي دسكتي ينور العين خليني ابمهجتي * اعالجها ترى گلبي تمر مر بچت عنده أو صاحت له يعگلي * يروحي أو نور وجهي اوباجي اهلي يخوي احسين شتهيس دگلي * يخويه يا صواب اليوجع اكثر يگلها اصواب البوجهي يضدني * ولبراسي حمس چبدي اوفتني ولبضلعي بهض حيلي أو ضهدني * ولبگلبي يخويه يوجع اكثر يخويه يابس ms13 امن العطش چبدي * يخويه والترابه احرگت زندي يخويه والشمس احرگت خدي * دفييلي ابردن ثوبچ امن الحر ويه ما احب سكنه تجيني * تشوف اجروحي أو تسمع ونيني مالي گلب اشوفنها ابعيني * ذليله مالها والي الينغر يخويه لا تليعي الگلب بالله * وببنيي علي هلة هالله يخويه من بعد عيني الكم الله * وذكريني أو كل امصاب يزغر

يحاچيها أو تصب عينه ادموعه * لن قلبه انخفى واحنت اضلوعه غمض عينه أو صارت بيه موعه * هوت أو دمعها اعليه ينثر تشم احسين وتجلب ابجرحه * اولن الشمر يدفعها ابرمحه گومي يو اذبحچ فوق ذبحه * وخليها ابعمر الدهر تذكر بالله يا شمر عنه دوخر اذبحني وخل اخوي احسين واسدر تگله يا شمر بالله دخليه * أو ماشافه امن الطبرات ييزيه تشوف ايلوج ما غير النفس بيه * أو عينه نوب يشبحها أو تغمر دكلي يا كثر خالي امن الجروح * تحط سيفك يخايب والدم ايفوح طبره فوق طبره تشعب الروح * يشوغ الگلب من عدها أو يفغر يخايب خلي اخويه احسين ساعه * اغمضله ومد للموت باعه مهو شمامة الحلوه اطباعه * دخلي ابراح روح احسين تظهر يخويه بيش اضمك وين اوديك * يخويه اشلون اصد عنك وخليك تراني اتحيرت يا مهجتي بيك * يخويه بيش اظللك من الحر هوت يمه تشم كسر البضلعه * اخوي الما طبع يشبه الطبعة غابت روحه أو فزت تودعه * اولن راسه بلملوث ينور راس احسين فوق الرمح مسفر

مثل البدر بالظلمة ينور لمن شافته صفگت بديها * أو شگت ثوبها ويلي عليها ما نلام من شافت وليها * فوق الرمح راسه ايلوح بالبر سالت عينها بدموعها اعليه * أو شالت راسها وتلفتت ليه خفق ويلي گلبها واومت اعليه * أو صاحت باچيه ابصوت امذعر يسور المرمر الماله مصاعيد * يصل الرمل يمنفر العرابيد يطير السعد يمعذب الصياييد * حاطت بيه فوق الرمح وكر عسى ابعيد البلا راسك امعلق * يخوي أو جثتك بگفره سملق أو گلب اختك يخوي اساع خفق * أو طار اوحام عد راسك أو فرفر اويلي اتلا گفواراسك بلر ماح * أو شيبك آه تلعب بيه ms14 الارياح ومصوت عدونا بالغنا صاح * انذلنه امكيف أو بالنصر مستر يا شيال راس احسين ريض * جيم ابراس اخيي لا تعرض شوف الدمع من عيني يفيض * اويار الگلب لفراقه تسعر يا شيال راس احسين گصر ترى گلبي على افراقه تفطر يشايل راس حامينه اولينه * ريض خلي اتودعه اسكينه ليش احسين ساچت عن ونينه * قلى تعب يوجرحه تخدر

يا شيال راسه لا تلوحه * أو هبط عن بقايا الروس رمحه اخاف ايفوت ريح الهوى ابجرحه * واصوابه عليه ايگوم يسعر يا شيال راس احسين سدره * رده الجثه أو وسده ابگبره يخايب شفت هاذي گبل تجره * ابقفره جثته أو راسه امسير يا شيال نعشه لا توجعه * اخافن تلچم جرح البضلعه دريض لي اريد اسا اودعه * أو هذا افراگنا ما بعد مسدر يا شيال نعش المات مظلوم * على الشاطي أو عن الماي محروم تحوم اگلوبنا فوق النعش حوم * اخوي الطاح مثل النجم من خر يا شيال نعش احسين بهداي * أو بالله دحط تابوته على الماي اريد اوگف وغسلنه ابيمناي * وشوف اصواب گلبه ما تغير رفع بعنادها راسه اوشاله * أو خيب زينب أو يتم اطفاله بسما شاله أو شافوا عياله * اجت سكنه تصحيح الله واكبر اجت سكنه تصيح الله واكبر يبويه ليش هلنومه ابها الحر تصيح ابصوت يفجع من يسمعه * يفت گلبه ويرض صدره أو ضلعه يفيض كل عدو عليه دمعه * يبوي ليش هلنومه ابها الحر يبوي ليش ما تنغر عليه *؟ سكنه العزيز الهاي هيه

يبوي اسا عدوي شمت بيه * ذليله ايشوفني ما بين عسكر يبوي انروح كل احنا فداياك * اخذني للقبر يحسين وياك اهي غيبة يبوي واگعد اتناك * وگولن سافر أو يومين يسدر يبويه اللي وگع من بين اديه * چتل عطشان ما تشرب ميه يبويه ريت هلنومه هنيه * اومن بعدك يريت الناس تسهر على امصابك يبوي لصب دمعي * وخلي اعليك نوح الليل طبعي لحرم ما يجيس الگاع ضلعي * ولا گلبي بعد فرگاك يستر يبويه گول لا تخفي عليه * هذي روحتك يوبعد جيه يبوي انچان رايح هاي ms15 هيه * اخذني اوياك عنك مقدر اصبر يبويه من شفت مهرك لقاني * ذاب الگلب وانخطفت الواني يبوي ايعودلي بيكم زماني * وشوف الدهر بيكم يرديزهر يبويه بادحيلي وحق جدك * عسن للگاع خدي دون خدك يبويه شال راس الدين بعدك * والدنيا اظلمت والكون مغبر بچت زينب أو صدت للمدينه * يهلنا احسينكم گطعوت وتينه اشو نوماتكم صارت سنينه * دگوموا يال هاشم والهضم مر دگوموا يال هاشم والهضم مر شوفواحسين عشاطي امطبر

تناديهم أو حادي الظعن طوح * تگلهم ياهلي والدمع يسفح دخلي خيلكم بالصرح تطفح * أو شوفوا حسين عشاطي امطبر يهلنا احسينكم رضوا اضلوعه * اوشاف الموت روعه بعد روعه يصد لعياله اوتسچب ادموعه * يخافنها بعد عينه تيسر يهلنا احسينكم ذبحو انصاره * ابو فاضل تكور بالمعاره وج ابقلب اخوه احسين ناره * دمع عينه على خده تحدر يهلنا احسينكم نشفت ارياقه * اوراح ابنه اوهد حيله افراقه اوعن ورده امعوج الموت عاقه * أو عالجها أو دون العلقمي خر يجدي قوم هذا احسين مذبوح * على الشاطي أو على التربان مطروح يجدي ما بقت له من الطعن روح * يجدي قلب اخوي احسين فطر يجدي قلب اخوي احسين فطر عالجها أو دون العلقمي خر يجدي الرمح بفاده تثنه * يجدي أو بالوجه للسيف رنه يجدي أو شيبه بدمه تحنه * يجدي أو بالرمل خده تعفر يجدي مات محد وقف دونه * أو لانغار غمضله اعيونه وحيد ايعالج أو منخطف لونه * ولا واحد ابحلقه ماي يقطر يجدي مات محد ممدد ايديه * ولا واحد يجدي عدل رجليه

يعالج بالشمس محد قرب ليه * يحطله اظلال يا جدي امن الحر تناديهم يهلنا اولا لفوها * ولا جدها يجاوبها ولابوها حنث وانقطع ظنها من اخوها * أو شافت علخيم صول العسكر اويلي علخيم صول العسكر وجها ابنار والدخان گبر صال اونفج النسوان عنه * نفر كل طفل مذعور منه صار اصياحها والنوح فنه * ولا واحد يذب عنها أو ينغر نهب ماچان بالصيوان موجود * أو ثجل احسين ويلي صار فرهود ولا خلا نجيمتهم ولا عود * حرقها أو لعند الخيم سدر سلب ماچان على ms16 النسوان موجود * بقت وحده على اخوها بروحها تجود دعاها بين مطروده ومطرود * تفر هذي أو هذي ابذيچ تعثر ابسوطه يضرب اسكينه أو يردها * تشقف بيدها يكسر زندها تجي زينب تخلصها أو يردها * لما سوطه ابمتن زينب تكسر چم مخدره ضيع دربها * أو چم مذهولة روع قلبها أو چم مذعورة ابسوطه ضربها * أو نفجها الكتر الكتر بالبر يحيدر قوم لينا اساع واحضر أو شوف الخيل بين الخيم تفتر

لعتب المرتضى واچثر اعتابه * وهيلن للتراب على اعتابه اندبه وانتحب واوقف ببابه * وقله اليوم يومك يا غضنفر لون الليث ابونا اليوم يدري * اخوي احسين راسه اشلون مبري لفاني أو دمعتي اعلى الوجن تذري * فكنا من السبي اولا تعذر يصنديد الحرب يمخيف الاسباع * يشيال الحمل لو طاح بالقاع اخبرك بالحرم هل راحن اضياع * سبايا أو بالردن ويلي تستر يسلبها العدو أو يشتم وليها * أو جاير بالضرب ويلي عليها تهبط راسها وتشقف بديها * دمعها يسيل على الوجنات محمر للسيد عبد المنعم رحمه الله تعالى ونهض يكشاف الكروب * يابود الحسن يا داحي البوب يسر القضا يا محنة ايوب * يمن دوم بالشدات مندوب ترى ابنك ابحد السيف مضروب * أو شيبه بدم النحر مخضوب أو راسه براس الرمح منصوب * أو سجادكم بالقيد مشحوب اونسوانكم بين الشعوب * سبايا أو منها القلب مرعوب چيف الحراير والركوب * دنهض اورد العتب والنوب يبحر العلوم أو عفة الذيل * يصوام ياگوام بالليل أو يقرآن تحريما وتحليل * أو يلاهوت تصعيد أو تنزيل

أو يضرغام لواگبل على الخيل * يخلي السيوف الهاصليل يريتك عدل يوم الرحيل * تنظر بناتك والعليل سبايا على النوق المهازيل * أو يلاه لو ينفع الويل على اهل النجابه والبهاليل * مامش ولي بس العليل امن الگيددم ساگه يسيل * مهو ابن النجابه والبهاليل يجمال ريض لا تسبح حيل * والظهر گيل لا تشيل تصلي الشمس واحنا مد اليل * أو لو صار ممشاكم ابليل باروا المحامل لا تميل * أو حفظوها من طيحة الليل لو هلهلت ودموعها تسيل * وتبرهجت من شافت الخيل والگلب طار من الصهيل * وجعدوا صدرها يابهاليل ms17 أو يشيالة الحمل الثجيل * أو ينقالب الرمح الطويل گوموا لزينب والمداليل * وابروالهم من عثرة الليل انوى ضعنهم علمشيل * اودنوالهم نوق المهازيل غرايب اوما عدهم رياجيل * خلصوا چتل بس العليل امگيدا وبس فنه العويل * ينفطر الفآد أو ينحل الحيل لو تشوفنا من غارت الخيل * أو فزت امن خيمها المداليل لگت گومها كلهم مچاتيل * ردت اوفنها النوح والويل

واشحالها من هود الليل * اوباتت حريم ابلار يا جيل لو نادوا يحادي اضعونهم شيل * خذوهم على النوق المهازيل أو چفيل الحرم وجعان وعليل * امگيد ابگيد ثجيل حيدر يبويه ما تجينه * وتشوفنا اشلون انسبينه سبايا أو نتستر بدينه * والناس تتفرج علينه أو زين العباد امقيدينه * يبچي أو يتلفت ابعينه ويگول ابوي احسين وينه * انت انضبت واحنا انسبينه دقعد يعزنا يا مچنه * يراس الفراسة والمحنه محد ترى يبرى الضعنه * اوگلبي النوايب قطعنه اوراسي المصايب شيبنه * لحقن على عگلي خذنه ابفيض النحر شيبك تحنه يا طارشي احتزم عجلان * لاهل المعالي أو رفعة الشان أو وصل على خيال الحصان * أو حشم بني هاشم وعدنان اوگلهم احسين انذبح عطشان * أو تلعب عليه الخيل ميدان اوراسه يلوح ابراس السنان * حرمكم سبايا بين عدوان اخوي احتزم والغوج شدها * أو عليها اعتلا اليرهب مهدها تچنه أو على الظلمة لكدها * أو ضيع تحت صدره گلدها

اوكل غارة التجبل يردها * والخيل خلاها ابعددها اوضيع تحت صدره گلدها * وامروج محمرة بردها تخسون ما زينب وحدها * وخوها النفل واجف بحدها يا سور زينب يا ضمدها يحسين ياعز المخيم * أو يضرغام ياذر الحرم أو يسراجنا بالليل الاظلم * أو يسور رشمخ مالاش سلم اويحر على الصيده معلم * تراهي انسبت زينب أو چلثم والنار وجوها بالخيم * ترضى يبعد الخال والعم يسوقونا سوق الغنم الخيل اجتنا مثل الغيوم * وتغزلت صمصوم صمصوم أو تسگط گطعها امساقط انجوم * گوموالها يسباع يقروم أو خلوا جثثها طعمة الحوم * مركاضكم بالكون معلوم فكوا يسر زينب أو چلثوم * سلبوا معاصبنا والهدوم بسكم على التربان هلنوم * تسرجون من لفح السموم للشيخ حسين الدجيلي رحمه الله الخيل اجتنا ms18 للبيوت * أو تبرج عددها من الرخوت رگعديبن بالضيج منعوت * أو يجد الصفيحة التگطر الموت ياچوسج بحر يادرگت الحوت * يريح الشمال المجلل اغتوت

امسعر الحرب يا نار برهوت * ترضى على جثتك نفوت لا ماي ويانا ولا قوت * وابنك علي بالحبل مسبوت يحسين ياسور منيع * يجلمود يمثلم الگطاطيع ياردام يمچسكر المصاريع * يرواغ يمعذب المداريع خواتك مشن عگبك مفازيع * سبايا أو على النوق المضاليع والحرم بعد ارجالها تضيع * خلصوا چتل حتى المراضيع مطاعين علرمضا مصاريع للسيد عبد المنعم الخيل اجت وتعدت الحد * واخيامنا ما بيهن احد دشدله على حلو المشد * أو حورب لغاتك يلعبد لابو الفضل هساع يگعد * گله الحسين اخوك مفرد ايدير عينه أو ماله احد * بسك على الرمضا امدد دگعد يبعد الخال والجد ياگصوره اوبالضيج عيال * اوياحيد ياشيال الاثقال أو يطود ثبت لو صار زلزال * أو يبحر على الوديان سيال اوياميمر حاطت به انذال * گطعوا يمينه والشمال فداك السلف واختك ولعيال يعين الطليعة يا مجدم * يا خواض بحر الموت لوزم

من شاف عج الخيل درهم * وبغارب البارع تلملم أو على تبة النشاب درهم * نصا المشرعة والريج علگم ترسها اولاح الغوج وارزم * اودارت عليه الله يعلم وبغير حفظ الماي ما هم * شراها ابيمينه اوما تندم واثنى بيساره اولا انهضم * فروا جربته ويلي ابسهم وگف وگفة المغبون واكظم * أو سكنه تربه اباب الخيم متدري بعمها سبح بالدم * اويلي على ابو فاضل تخذم لبعضهم مصديت روس اهلي على ارماح * اوحس المحورب بالظعن صاح لخيال ويانا ولا سلاح * بس راس اخوي على الرمح لاح ياسايجه للظعن رده * امسا المسا واحسين وحده لحد اولا ماحود عنده * وخوته طبق نومه ابحده مچاتيل كلمهم فرد مده * وين الصديج البذل جهده واسريع يوصل لعد جده * يگله ترى زينب بشده وين الصديج اليحن گلبه * علينا أو يسبح ابليل دربه لارض الغزي ويهيل تربه * يگله العلي زينب ابكربه واعيونها لمجيك تربه * غريبه وصفت بديار غربه

زمزم ضعنا بليل ويده * أو ولينا بگي عاري عضيده ظامي الحشا اودامي وريده * دگعد يحر الروس ms19 صيده اخبرك بگت زينب وحيده * بس العليل اضل شريده يصفج وسف يحسين بيده للشيخ محمد النقاش يراچب الكور المضمر * أو ساري گبل طرة فجر لا يمنعك بر أو بحر * عرج لبوي الليث حيدر گله يجرد للمشهر * سلمان وينه اووين ابو ذر حمزه أو عقيل اوين جعفر * وين الدحاها لباب خيبر ترى احسين عن سرجه اتقنطر * والشمر حزمنه النحر انچان ما تلفي يحيدر * يسيرون ببناتك يسر لودي عتب لاهلي الجفوني * اوبديار غربه ضيعوني ساگوا ضعنهم ما تنوني * ماني العزيزة وارخصوني دسحي عليهم يا عيوني لو گف على درب الظعون * واسايل اليرحون ويجون حرمه أو غريبه لا تگطعون * أو لدياركم يمته تعودون ترى احنا ابمذله أو هظم والهون * واطفالكم يمي يلوعون

يشعبون گلبي من يوون * عطاشا أو مني ماي يردون بناتك يعيني مرمرني * عطاشا أو يردن ماي مني أو صار البچا والنوح فني * مني اتمرمرت من صغر سني اوراحوا هلي بالطبق عني في حق العباس (ع) نجادي الظعن عباس مربيه * مالي گلب امشي وخليه اخوي الشفيه واعتب عليه * أو گله الظعن منه اليباريه بس العليل الگليد ماذيه * هذا الخفت منه طحت بيه للسيد عبد المنعم لو هلهلت وادموعها نار * والشمس غابت تحت الغبار ندهوا بني هاشم والانصار * وندهوا علي حيدر الكرار خذونا سبايا اصغار وكبار * أو من بعدكم ضگنا المرار لغيره يا طارشي دنهض أو گوم * أو وصل علي جلاي الهموم وخبره ابعزيزه احسين مهظوم * گضى بكربلا من الماي محروم اوراسه على الميال مزموم * وخبره ترى زينب وچلثوم وگله عليهم دارت الگوم

تريد الزتت منك يضرغام * ساق الظعن ونووا على الشام يسير الظعن والروس جدام * حريم البليا رجال تنضام واهل الحميه كلهم نيام * بعدكم عسن العمر لادام اويلاه من غدرات الايام وين الذى ينگل سلامي * لعدو الدي اوباجي عمامي أو يحچيلهم زود اهتضامي * راح الذي عنا يحامي نوحي على المذبوح ضامي وين الصديج اليحن گلبه * علينا اويسج ابليل دربه لرض الغري ويهيل تربه * يگله العلي زينب ابكربه واعيونها لمجيك تربه * غريبه اوصفت ms20 بديار غربه زمزم ضعنا ابليل مسراه * أو لحد يهلنا الظعن باراه أو ولينا بگى والعين ترعاه * جسمه خضيب اولحد احذاه اولا من شفيج جاه واراه * بس الوحش بالليل ينعاه اويلاه يا روحي اويلاه * هيهات مثل احسين نلگاه للسيد عبد المنعم لو هلهلت والريح دايب * ومعلمه الكثر المصايب عليها جرت كل النوايب * تهتف بخوها والگرايب تگله الحرم ظلن غرايب * أو تسري بهن خوص الركايب

خاب الرجا الماچان خايب * شنهو الرجا واحسين غايب طوح الحادي والظعن شال * واتصارخت نسوان واطفال چي بصرتك خوي بلعيال * أو منهو اليعدل الحمل لومال غريبه أو معرف رچب الجمال * راسك براس الرمح ينشال امصابك يهدم روس الجبال ساق الظعن والنوق عجف * اوعيني تصدو الگلب يرجف أو لوني يبوسكنه انخطف * وانا مخدره يحسين معرف والدرب يا ابن امي چلف * وابنك على النا گه مچتف اومن ذوب گلبه العين تذرف * أو راسك ابراس اسنان مشرف مثل البدر والليل مسدف * وگلوبنا فوگه ترفرف يحسين يا تالي السلف يردونا عنك انشيل * واحنا حريم ابلا رياجيل چي بصرتك لوهود الليل * أو چفيل الحرم وجعان واعليل امگيد اوبس فنه العويل * يفطر الفاد أو ينحل الحيل تمنيت ابو الحسنين بدري * ويشوف دم احسين يجري أو حادي ضعنا گام يسري * مني اتمرمرت وانهتك ستري لا تعتذر وتگول مدري * بالسوط بويه انفصم ظهري

انا اشلون يا مظلوم صبري * اشوفك گطيع الراس مبري ابيا حال ما تدرون صرنه * سبايا ابستر الروس حرنه شمسنا اكسفت واظلم بدرنه * اومن هاي ما يجبر كسرنه ردنا نودعه اولا گدرنه * طردنا الشمر عنه اونهرنه منهو اليزتتنا البلدنه * محنا حرم واطفال عدنه مهي امناسبه نمشي وحدنا سمعت المنادي والصدر حن * يسكنه لعند احسين دمشن أو شدن احزام أو زين الطمن * نغسله أو نفصل له چفن أو نحفر گبر لحسين ندفن * ياهو المثل گلبي تمحن سمعت المنادي اوگمت ليه * لگيت الشمر يفتر عليه حرمه أو غريبه أو لگدر عليه * وجروح جسمه موجره بيه يحق لي العمر بالنوح اگضيه * اولو ضاق خلگي من يسليه سمعت ms21 الفرس تصهل أو جيته * عليه الشمر يفتر لگيته لولي عزم بيدي حميته * مني جيت عد راسه أو نخيته أو شميت نحره اوودعيته * ابحال اليتامى اخبريته احسين من يستر ثنيته برضاك يورغم عليك * يجرني الشمر من بين ايديك

انا اصرخ ودير العين ليك * انا ادري ابحميتك ما تخليك اشوشيمتك ما ثورت بيك * خانن يخويه بيك رجليك معذوريل حزو اوريديك اناجيت للعركه أو ندهته * اوراعي المروه تعذر اخته لگيت الشمر ثاني ركبته * على صدر اخيي أو خزر گبته عيني العما اولاچان شفته * امخضب ابدمه اولا عرفته بنفسي يخوي احسين اداويك * وجيب الدوا يحسين واسجيك بلچن تطيب العلة البيك * وجعدك يبو سكنه وحاچيك وعد مصايبنا وبچيك * لون تفتدي بالروح لفديك اريد انشدچ يادار عنهم * اهلي حموله اشظل منهم گالت هلچ عني تعدوا * اولالي خبراي ارض مدوا يا دراهم والله لواطيچ * واحلف يمين الما اطب ليچ لمن يجي يادار راعيچ يا دارهم چنت زهيه * اوچانت قناديلچ مضيه اشو موحشه امسيتي عليه * لحگت علي الغاضرية اولا خلت امن اهلي تچيه * اشحال الذي فاجد وليه ما حيلة المهدوم فيه

ابچي اوسحي الدمع يا عين * على اهل الشيم سبعين واثنين وخوتي وعمامي غير الحسين * اوشبان من غير الجنين امسوا على الرمضا مطاعين * هذي جثثهم روسهم وين كلهم تفانوا بس نساوين * امنين اجتنا كربلا امنين يبات الگلب يحسين محموس * على البلخلا باتوا بلا روس گومي اوهلي كلهم اضروس * أو عمامي اليبذلون النفوس وخوي المشكر چسب ناموس * لگف جربته اوعنا على الشوس أو غدى ايدوس بذيال الدرع دوس * دگعد يبعد اهلي يمحروس يبوي الطفل للماي اخذته * بسهم العدا مذبوح جبته شنهو الذنب خويه العملته * والماي حاضر ما شربته لسانك على صدرك دلعته يبوي الطفل عني دغطيه * اولالي گلب يحسين اصدليه اشوفه ذبيح اوماد رجيله * لدري يبويه چنت اخليه خفت العطش يلحق عليه * أو گلتلك لعند الماي وديه اشوف الخفت منه طحت بيه للسيد ميرزا يوم النزلنه الغاضريات * قلبي اعلى اخوتي بالوجل بات

جتنا بني كوفان دفعات * رايات تترى باثر ms22 رايات نزلوا يخويه اعلى المسنات * لزموا علينه ماي الفرات عباس مدعي اخيولها اشتات * حدسها أو تتعثر ابها مات لمن خلص علماي طبرات الخيل اجت لينه مغاوير * كلها مداريع أو مشاهير بالخيم بس نسوه مذاعير * شافو لمع ذيچ الغدادير فرن لخوهن ظنن ايجير * شافنه نايم مستحير من علته ما هو جدير * والعسكر الجاهن چثير اعلى الخيم كلها مستدير * لو بن سعد آمر بالمسير شال ابوكت حر الهجير * سج ابدرب كله عواثير والجرى اعلينا ابداما يصير في وصية الحسين (ع) لزينب (ع) اوصيچ يا زينب بالعيال * لوطوح الحادي بالجمال عينچ وحطيها امن الاطفال * تدريهم اربات الدلال أو عن الشمس يرد الهم اظلال * ونظري على السجاد لومال ادري عليل أو صار بيحال يحسين توصيني بالايتام * حرمه أو طحت ما بين ظلام اولالي عشيره اولا عمام * والنوق جابوها اللئام

ملهن وطا أو لابيهن ازمام * شباري الوگع يلي غفى أو نام اودرينه ليالي ايصير وايام * والدرب تدري ايريد له ازلام تباري الظعنه ورا أو جدام * ترضه يبو الشيمه يضرغام خواتك سبايه مشن للشام تمنيت ابوي اليوم يظهر * للغاضريه وياه الاشتر أو حمزه اويجي الطيار جعفر * أو سلمان والمقداد يحظر أو عمار يتلاهم وبوذر * أو عمامي تجي وين المشكر وبكربلا كلها تكور * والحرب ذيچ اساع يعمر يشوفون وحده احسين يفتر * أو صوبين بي حايط العسكر وخوته چتل واللي امطبر * أو عباس علعلقمي اموذر يلكدها ذيچ اساع حيدر * والاشتر يتبعه اعلى الاثر يخلون كوفان تطشر؟ * اوذيچ الرواية تذيه بالبر وشلون واحد بعد يقدر * لحسين يوصل ويتجسر لاچن اشبيدي على المقدر * امكون علينه بعالم الذر اخونا انچتل واحنا انتيسر * يا يوم اخوتى يوم اقشر تمنيت ابوي اليوم بالكون * أو حمزه أو جعفر بي يحضرون أو عمار والاشتر يجون * اوباحي بني هاشم يركبون

ومن المدينة ايليل يسرون * أو گبل الفجر بالطف يصبحون لحسين تالي السلف يحمون * أو عباس بين الگوم مرهون وحوته طبق نومه يونون * خلصوا عمامي وكل هلي اشلون خطاب للعباس (ع) عن لسان زينب (ع) بالخيام لمن ms23 حاطت الخيل * كثر ويدها أو هضل الرياجيل وندهشت اطفال أو مداليل * والحرم صار الهن عويل زينب نخت ودموعها اتسيل * وين اخوتي أو قومي البهاليل يعباس يا عز الذليل * يابن والدي العسكر ثجيل أو للخيم چي ترضه يميل * وانت المشكر بالتهاويل بالسيف يمسدر اليعيل * اولو شافك اينس الجبيل يگلها يبت حامي الدخيل * لردها نكس بلشاشها اتشيل شوفي اشكثر منهم مچاثيل * عيناچ لا تبچي المداليل الجواب انا ادريك يوم الكون فتاك * اولا تگدر الفرسان تدناك انا امن المدينة جيت وياك * ومظلل اعليه ابذراك ترضه اصير ابوليت اعداك * واحنه المثل هل يوم ردناك تسلم أو كل احنه فداياك * واللي اهي ابذرك أو بجماك من تنسبي اشتعذر اهناك * امن اللوم معذور اوتعداك

في عتاب الحسين (ع) يحسين يا جعلة حمانه * أو ياسور عزنه أو ياذرانه انخاك لا عني اتوانه * يابن والدي العسكر بيانه قام وتحرك من مچانه * قرب للخيم چنه اوتدانه اوبن سعد باولهم لفانه * واحنه حرم محد اويانه انچان ما تنهض ترانه * منهم تصح النه مهانه أو يشيلون كل عزنه عدانه * خيف العدو بعدك ولانه والخيم فرهدها اوسبانه * بعدك هضم كثره علانه يبات القلب يحسين مهموم * والعين لجلك ما خذت نوم يا آية الواحد القيوم * بابن الصميده أو كنز العلوم يا گصوره اليفرث الصمصوم * يا موت فوق ارواحها يحوم حسافه يخو زينب أو چلثوم * تمسي على حگك چتل مظلوم وتموت عن الماي محروم * وين الصديج اليعتني اليوم ايحشم بني هاشم أو مخزوم * وهل المدينة أو مكه اتگوم للغاضريه تطوي الحزوم * ترى احسين علغبره شبع نوم العنده عشيره ايريدها اليوم يا طارشي خذلي وصيه * أو نواخي أو عتب لهل الحميه

واحچي الجرى بالغاضرية * أو هضم الذي صاير عليه عگب الخدر امشي سبيه * ليزيد ودوني هديه شنهو السبب ما اعتنوا ليه * بيهم مضلت ناغريه لنخوه أو لشيمه هاشميه * ينامون عن هذي الرزيه واحسين دمه عند اميه * اشبيدي هلي باچوا بديه يا طارشي دسرع بالكتاب * بالك تعن أو حث الرچاب للنجف واقصد داحي الباب * أو قله ms24 الك مرسول بعتاب من زينب أو سكنه أو رباب * أو خبره احرگو كوفان الاطناب والاطفال ماخلو لها اثياب * أو بناتك يبويه عگب الحجاب راحن سبايه ابديرت اجناب * لو ناشدونه اشننطي اجواب ملچن عشيره انگول غياب * حسافه يروس العرب ينجاب على الذل لو يتوا اليوم الرگاب يا طارشي الحيدر تعناه * للغري الگبره وجف وانخاه وخبره بجميع الجرى أو شفناه * أو شفنا هضايم عگب عيناه أو لحسين گله اشلون تنساه * بالغاضرية أو لحد اوياه اوحيد أو صفق يسراه ابيمناه * وخوته چتل ومسطره احذاه أو نار العطش تلتهب بحشاه * واعلى الشرايع نازله اعداه والماي يمه أو لحد اسگاه * لمن گضى ظامي اويلاه

يا طارشي دنهض ابمكتوب * أو معاصب لبونه داحي البوب بالضيج ابو الحملات مندوب * سيف النبي أو جيدوم الحروب عن وجه دايم يحلي الكروب * من تصل گله اگعد يمنتوب تري احسين ظامي الچبد معطوب * عاري اولا خلوا عليه ثوب ترضه بعزيزك يضل مسلوب * أو زين العباد ابحبل مسحوب من كربلا الكوفان مجلوب * عادت زلم طالب أو مطلوب لا چن بناتك شلهن اذنوب * راحن سبايه أو گطعن ادروب والاطفال تشچي العطش وتلوب * عن هاي چان اتنام معتوب أو مثلك هظيمه ايصير مغلوب يا طارشي دوصل ابهمه * وخذ معصبي وياك زمه أو توصل لبوجاسم أو سلمه * اورج الرمح وانتحب يمه أو گله اعلى اخوك الخيل لمه * اوعج الطراد اعليه ظلمه ظامي انچتل والماي يمه * أو حال الطفل عنده تذمه گطع رگبته حرمله ابسهمه * أو گله ترى زينب تحشمه ظلت ابين الكفر حرمه * محمد يخويه هاي هضمه عتاب محمد بن الحنيفة محمد يخويه الله أو لحد * المثلك ثنيته اشلون تنسد أو بعد الحسن واحسين تنعد * سردال خيل اوكلها تشهد

بيك الك چم مشهد ابمشهد * يوديك چان اوبيك يضمد أو سريتك اهي البيها السعد * ولوياك بيك اتنومس اورد اشعا گك يخويه يا محمد * اوعن كربلا المثلك گعد اولا جدم احصانه أو عليه شد * أو دغرق ابليل الكربلا أو مد أو فزع لخوته أو سيفه امجرد * ما ms25 خبروك احسين مفرد أو جيش اللفه العين الشمس سد * أو دون الخيم صار الهدد واحسين ينخه أو ماله احد * لو نك تشوفه من لكد أو عباس اخوه واياه من شد * وخوتي ابذلوا كل الجهد ابصولتهم الجيش انمرد * أو مچاتيلهم ما تنحصى ابعد اوما سلم غير اللي شرد * ما گصروا سووا لها حد لاچن اشبيدي اعلى الوعد * امن احسين ماخوذ العهد ينچتل بالطف واعده الجد * أو على الصار لا تنشد بعد الجواب عن لسان محمد بن الحنفية يگلها يزينب حق تعتبين * علي أو سنيح اوساد تدرين انا اشلون اجف عن نصرة احسين * مهو عزالي أو عيني اليمين أو شيخ العشيره اوبيه مزهرين * أو سيد جميع الهاشميين أو عميد اعلى كل الطالبيين * وخوتي علي ما هم رخصين حزام الظهر كلهم عزيزين * يا ذلتي صاروا بعيدين

يحگلي يخوتي لسكن البيد * واصبغ اهدومي اولا البس اجديد ونوحن على خوتي المحاميد * بالكون يلكلهم صناديد واللي يگصدوهم مناجيد * يا هو امن اخوتي موعميد عباس يلزلزله امن ارعيد * والگوم بس شافته من ابعيد راياتهم راحت تماريد * ترضى ابخواتك يسر ليزيد أو يمشن ابهل حر الشديد * والحرار تملكها العبيد معذور يلمالك بگت ايد * اوطر هامتك عامود الحديد في حق علي الاكبر حس ضغيره وصياح گبر * يقولون طب للكون الكبر حطبها اودعاها اذياه بالبر * نصى المعركة أو قوم العسكر أو منها اشكثر فرسان كنطر * حر أو على الصيده انحدر تفر أو عليها ايحوم ونشر * يا زلزله اتطر الصخر طر اويلاه غوجك من عثر * ورداك بموسط العسكر اوچلوا عليك اولا حضر * ابوك أو لحق شافك امطبر أو ظهره انخنى اعليك أو تهشر * أو للخيم شالك يا غضنفر أو ليلى اطلعت بالخدر تعثر * أو صاحت ابصوت الله واكبر يحسين وين ابني تگنطر * اوحيد اوحاتفني الدهر في ليلة (الله أو لحد راح الكبر) الحادي عشر

هل ليله قشره اشلون ليله * كل اخوتي مست چتيله اولا ظل ولي اللي نشتچيله * ابن سعد آمر وجت خيله مغاوير واسربها ثجيله * ما تنعرف من كل جبيله ms26 أو نطع العليه نايم عليله * جره النغل منه ابحيله تمنيت حيدر حي وجيله * اعلى كوفان چي ذبحوا سليله يعباس منته اللي جبتني * بيدك يخويه ركبتني طول الدرب ما فارگتني * بس ما رحت عني أو عفتني عگبك بني ميه ولتني * خذوني يسيره اولا شفقتني دگعد يخويه أو شوف متني * ترى اسياط زجر ورمتني اويلاه يوم السيبتني يحسين اخبرك جابوا البل * أو ركبنه يخويه رچبة الذل والاطفال طول الدرب تعول * تگلي يعمه انريد منزل نگعد اسويعه ابكاسر الظل * ترى ارواحنا للحر متحمل گلي لحادينه يگيل * لمن شمسها اتطيح وتذل گلت أو علي غضبوا الكل * شتمني الشمر ويگول منزل ونريد للكوفه نصل * اكظمت غنضي أو دمعتي اتهل يحسين جاب الحادي الجمال * ناوي يرچب اعليها العيال

وتلوع گامت كل الاطفال * من شدوا ايديهم بالجبال وابنك علي جابوه بيحال * والمرض منه نال ما نال گالوا عليل اشلون ينشال * يوينچتل يوگيد بحبال چتفوه للنا گه أو دما سال * والظهر سج بينا الجمال واحنه حرم من غير رجال يحادي الظعن لا تحدي يمكدر * لاوين ناوي والوگت حر وخافن على السجاد يفغر * واطفالنه تبچي أو تضغور بلوعون وام چلثوم تشغر * صدت اولن احسين بالحر أو شيبه ابدما نحره تعفر * أو صدره ابحوافرها تكسر صدت لعند الساچن البر * تگله شريدتنه تيسر بالجامعة والگيد ينجر * اوخوله لعند النوق ثور هزل وخافنها تعثر * والشام دربه درب اگشر أو على رچبة المهزول مقدر * أو دمعي على الخدين حدر يحسين تدري الحادي من سج * باي ساعه راد السير واحوج شال ابوكت حر الشمس وج * واطفالك اعلى الماي تلهج المچتوف منهم والذي هج * أو خواتك سترهن صاير العج سبايه اعلى عجف انياق تعرج * ترضى العدو اعليها ايتفرج وهل البلد كلها تورج * ويلاه الهضمي اجبال ترتج

يحسين تدري من خذونه * على اجمال هزل ركبونه أو بحبال خشنه چتفونه * نشچي التعب ما يرحمونه للكوفه حين الوصلونه * ابن ازياد آمر واصعدونه القصر الاماره وگفونه * بالمجلس اگباله اعرضونه اعلى چتله أو لواحد وقف دونه * من حين قاموا يسحبونه ms27 صاحن خواته اشتطلبونه * دخلوا الشريدة قطعتونه اشصار اباهالينه أو نسونه * ينامون عن ثارات اخونه رچبتني يخويه اشلون رچبه * على ناقة عجفه أو صعبه أو طول الدرب عيني امر به * أو بس دمعتي اعلى الخد مسچبه أو للشام طبتي اشلون طبه * شفت كل اهاليها مطربه أو بقلوبهم ملنا امحبه * اوراسك يزيد آمر بنصبه أو بالعود كل ساعه يضربه * ويقول اخذنا ابثار عتبه يحسين للشام امن اجينه * كلها اطلعت تبحر علينه أو بالرمح راسك شايلينه * وابنك علي ما شره عينه يون أو شعب قلبي ابونينه * اولا طارش يصل المدينة يخبر هلي بالمر علينه * يقلهم لهلنا احنه انسبينه أو ثور يزيد ايريد دينه * استافه أو چتل منكم العينه نمتم حسافه احسين وينه

گلي بعد يحسين شلها * بس دمعتي ظليت اهلها يزيد النوى اعليها فعلها * مثل عملته محد عملها دنهض يحيدر واگعد لها * هيل الترب هذا محلها مظنيت لسا يصبر لها في رثاء العباس عليه السلام لو هلهلت عد زايد الباس * اخوها الشفيه الليث عباس تنخه اوعدها فرع الراس * وافرغ عليه الدرع والطاس على الگوم صول شبه جرناس * ولاها وخمد منها الانفاس وبظهر غوجه اعلى الجثث داس * اويلي عليه انضرب علراس واحسين ظل مهبط الراس * ويگول مني راح عباس يحسين تدري ليك من جيت * امن الشام ولگبرك تعنيت واقعدت عد راسك بچيت * أو ندهتك يبو الشيمه أو تنخيت ما جاوبتني وعلي نبيت يمهر احسين وين احسينا طاح * بعد بيه روح يو بسيوفها راح يمهر احسين دليني على احسين * عزيز الروح صارت وگعته وين هل عسكر عليمن فزع صوبين * واسمع هضل بالميدان وصياح علامك يا مهر تسحت بالصروع * يمكدروين عفت احسين مشلوع

تتفازع عليمن ذيچ الفزوع * واسمع بالسما جبريلها صاح بچا أو دون الخيم كثر صهيله * أو قامت تعول اعياله العويله فرن صارخات اليم عليله * ينوحن والعليل النوحهن ناح يقللها يعمه احچيلي اشصار * خواتي امن المخيم غدت طشار تقله انذبح عزنه واجو النار * انجيمنه أو حرم كلنا مالنا اجناح يحيدر بالخيم شبو النيران * مثل سرب ms28 الگطافرت النسوان يحيدر بالمخيم شبو النار * اوراحت كل بناتك شتت طشار تصيح الغوث وين احسينا صار * لگنه يعالج ابحومة الميدان لگنه يلوج ويعالج ابروحه * يون واللي مچيداته اجروحه دون الشمس وگفن لا تلوحه * يفين والتهفي ابطرف الردان بچن عنده أو عليه نصبن مناحه * أو زينب تصفج اعلى الوجه راحه بطل حيلي متت من غير راحه * فوق القاع ظامي الچبد عطشان يبعد اهلي اشتهيس قول يحسين * أو دليني اصواب الچايدك وين يخويه امبنين جتني كربلا امنين * عسى ابعيد البلا ولية العدوان عسى ابعيد البلا بالقاع ممدود * تعالج بالشمس وبروحك اتجود حسافه اتموت ظامي الچبد ممرود * أو مركز صرت للنشاب والزان يخويه اگعد خواتك دايره اعليك * اومن خوف العساكر فاره ليك

يخويه بكترك اسكينه تحاچيك * تگلك ترضه يسبوني العدوان يخويه اشلون ترضه امشي يسيره * تكلفني يخويه ابهل جريره عگب هل نايبه الجتني چبيره اباري اعيالك اوها كثر رضعان لبعضهم ما يفيد نوحي ولا ابچاي * عگب الشهيد الما شرب ماي انا ابچي وسكنه تزيد لبچاي * وانعى تساعدني على انعاي دنهض يبو الشيمه وتعال * وانظر بناتك بين الانذال وابنك غدا بين الرمال * ويمناه مگطوعه والشمال خذونا يسارى فوق الاجمال * گلبي احترق والهضهم چتال ودمعي على الوجنات سال معذور يالنايم بالطفوف * مگطوع راسك والچفوف دگعد من منامك وشوف * مني مسلبه والگلب ملهوف ودمعي على الوجنات مذروف * واعلينا بالحبل مچتوف لودي لعد حيدر مكاتيب * وابچي اوكثر بالمعاتيب من يوم فارگني الحبيب * دمعي على الوجنه سكيب وچبدي كثر بيه اللهيب * دنوحي يسكنه اعلى الغريب

وچلثوم كثري بالنحيب * علي بدم نحره خضيب وجسمه على الرمضا تريب * وعگبه مشيت بيسر تغريب وممشي الحرم ويا الغرب عيب يا شبان بالله لا تونون * وبونينكم گلبي تگطعون تهدون حيلي من تلوجون * يا ثمرة فوادي متحچون ما ادري ياهل گلبي اشتر دون * حسرات عا الدنيا تجرون وعيونكم ليها تديرون * تشعبون گلي من تونون يا مغسل الشبان بهداي * بهدا دصب عليهم الماي ترى ونينهم گطع احشاي * وخابت ظنوني وخاب رجواي للسيد حسين بن السيد ms29 طاهر يحادي الظعن گلي وين تردون * على جثة ولينه ما تمرون يحادي الظعن ما تشفج علينه * وتمر بينا على عزنا اوولينه يمه تگعد اسويعه سكينه * تشمه وتلثم جروحه وتشيلون مر بينه نودع حسين ساعه * يسر گلبي ويرد روحي وداعه مهو حسين الشعب گلبي وراعه * وخلي الگب طول الدهر محزون يخويه البيك حاتفني زماني * ومشاعني وبالذلة رماني ولا واحد عگب عينك حماني * بس اطفالكم يمي يلوعون

ما تدري يخويه اشلون خالي * وعلى راس الرمح راسك گبالي كلمن شاف ذل حالي بچالي * عدوانك عليه غد وايبچون يخويه بلخيم شبت النيران * يخويه من الهضم فرت النسوان يخويه ريت يومك چان لاچان * بيه الشمس غابت واظلم الكون حرايركم غدت يا ابن البهاليل * سبايا تركب النوق المهازيل من يبرى الظعن لو ساق بالليل * ومن يرچب اطفالك من يطيحون اشلون امشي وخلي حسين وحده * طريح اوبايس من العطش چبده عسن خدي معفر دون خده * وگلبي دون گلبه چان مطعون بنفسي حسين خويه اصل يمك * واصبغ شعر راسي بفيض دمك چيف اصبر وشوفن فوق جسمك * تجول الخيل وبراسك يطوفون وحق راسك يعگلي ونور عيني * وطول الدهر ما يفتر ونيني چيف اتلو مني من اعمي اعيوني * على اهلي المشوعني أو ضيعوني ولا واحد عگبهم وگف دوني * ومن جوني العداو گاموا يشيلون تمت#

ديوان النصاريات

ديوان النصاريات

نبذة عن الكتاب

الفهرس